• Presidente Comite Tecnik Census Agricola ho delegasaun husi Australian Bureau of Statistics (ABS) ba Census Agrikola Visita iha Munisipiu Aileu

Home » Announcements» Presidente Comite Tecnik Census Agricola ho delegasaun husi Australian Bureau of Statistics (ABS) ba Census Agrikola Visita iha Munisipiu Aileu Print Page

Presidente Comite Tecnik Census Agricola ho delegasaun husi Australian Bureau of Statistics (ABS) ba Census Agrikola Visita iha Munisipiu Aileu

Enkontru delgasaun DGE, ABS ho Director MAP no Responsavel Estatistika Aileu

Presidente Comite Tecnik Census Agricola ho delegasaun husi Australian Bureau of Statistics (ABS) ba Census Agrikola Visita iha Munisipiu Aileu

Iha Sexta-feira 13 de Setembru de 2019, Sr. Elias dos Santos Ferreira, Director Jeral de Estatistka, Ministeriu das Finansas hanesan mos Presidente Komite Tekniku Census Agrikola ho ekipa tekniku husi DGE Sr. Lourenco Soares ba visita aktividades Census Agricola iha Suco Fahiria, Posto Administrattivu Aileu, Munisipiu Aileu.
Iha visita ne’e akompanha mos husi observador internasional husi Australian Bureau of Statistics ne’ebé kompostu husi ema nain 4.

Delegasaun husi ABS ne’e kompostu husi :

1. Sra. Celia Moss, Directora Relasaun Externa no Progam Project Coodinator DGE no ABS;
2. Sr. Mark Hall, Monitoring and Evaluation team husi ABS;
3. Sr. Chris Hinchcliffe, Specialista iha area Eknomia, ABS;
4. Sr. Simon Osbourne, Epesialista Trade, ABS.

I. Objektivu Visita :

- Visita aktividades Census Agricola iha Munispiu Aileu ho Observadores Internasionais husi Australian Bureau of Statistics oinsa lala’ok Census Agricola iha Timor-Leste ne’ebé uza android hodi intervista uma kain no uza GPS hodi sukat to’os, natar no kantreiru modo nian;
- Difikuldades nebe hetan iha Census Agricola ne’e no oinsa resolve problema dados hodi manda mai nasional;
- Observadores internasionais bele halo komparasaun ho paises sira seluk ne’ebé mak uza ekipamentos hanesan.

II. Resultados :

- Visita edifisiu Estatistika Munisipiu Aileu hodi hala’o sorumutu ho Director MAP Aileu, Reponsavel Estatistika Munisipiu Aileu no ToT;
- Observadores Internasionais husu ba Director MAP no Responsavel Estatsitika Munisipiu Aileu hodi esplika sobre ema hira mak servisu iha Census Agricola, prosesu rekrutamentu, treinamentu no tama ba iha Census ne’e rasik;
Director MAP no Repsonsavel Estatistika Munisipiu Aileu Esplika klean sobre prosesu ne’e hotu ba ekipa;
- Observador internasional kontenti tebes ho esplikasaun sira ne’e tanba hare katak rekrutamentu ne’e transparan no nakloke ba publiku, no hare mos katak entre feto ho mane iha ekilibru ne’ebé sira dehan katak iha pais balun la akontese;

- Visita ekipa sira ne’ebé servisu iha suco Fahiria hodi obsera intervistadores halo intervista usa Android no uza GPS hdi sukat to’os n oinsa muda dados iha GPS ba android;
- Tuir dalan hare mos stiker ne’ebé taka iha odamatan uma kain sira nebe intervsita ona no halo kuality control no husu ba uma kain katak sira intervista tia ona ka sidauk;
- DG Estatistika koalia ho chefe uma kain nebe intervista tia ona hodi esplika benefisiu husi Census Agricola. Chefe uma kain kontenti tanba ho dados ne’ebé sira fornese bele benefisia sira ba plano oin mai;
- DG Estatistika koalia ho intervistadores sobre lala’ok servisu no obstakulus ne’ebé sira infrenta;
- Intervistadores informa katak foufoun maka sira hasoru problema maibe depois de orientasaun ne’ebé sira simu husi Nasional, TOT nomos Director MAP no responsavel Estatistka Munisipius sira agora hala’o servisu ho diak;
- Sucos balun data hotu ona maibe rede internet mak dala ruma neineik entaun atraza maibe ami hetan ona orientasaun hodi manda dados ne’ebé hotu ona ba Nasional.

III. Observasaun :

Husi ekipa monitorzasaun husi DGE no ABS hare katak iha kordenasaun no komunikasaun diak entre Director MAP no responsavel Estatistika Munisipiu Aileu ba intervistadores.
Autoriedades lokais fo apoiu maximu ba iha Census Agricola ne’e.