• Ministeriu Finansas Ho Parseiru Lansa ODS Dadus Kona-Ba Labarik TL 2018

Home » Announcements» News and Events» Ministeriu Finansas Ho Parseiru Lansa ODS Dadus Kona-Ba Labarik TL 2018 Imprime pájina

Ministeriu Finansas Ho Parseiru Lansa ODS Dadus Kona-Ba Labarik TL 2018

FB_IMG_1557415048404

Ministériu Finansas liu husi Diresaun Jeral Estatitiska no Parseiru The United Nations Children’s Fund (UNICEF), United Nations Fund for Population Activities (UNFPA) lansa Objetivu Dezenvolvimentu Sustentavel (ODS) no Timor Leste Birth Registration Baseline Assessment 2018, iha salaun Auditorium Ministériu Finansas Aitarak Laran Dili, 9 Maiu 2019.

Lansamentu ne’e hetan partisipasaun direta hosi Reprezentante United Nations Roy Trivedy, Embaixador Japaun mai Timor Leste Hiroshi Minami, Reprezentante UNICEF Valerie Tatou no Reprezentante UNFPA Ronny Lindstrom.

wrapIha abertura lansamentu refere Diretur Jeral Estatistika Elias do Santos Ferreira hanesan Reprezentante Vice-Ministra e Ministra Ezersisiu hatete, apresia no agradese ba governu Japaun , UNICEF no Diresaun Jeral Estatistika finaliza ona análiza kona-ba labarik iha âmbito ODS.
wrap

“Relatoriu ne’ebe ita lansa dadaun, importante tebes ba governu Timor Leste no parseirus dezenvolvimentu tomak, tanba aprezenta ona informasaun ne’ebe komprehensivu kona-ba dezenvolvimentu labarik iha nasaun ne’e. Kontestu ODS nian ne’e utiliza dadus husi Timor Leste Living Standard Survey 2014/2015, sensus populasaun no uma kain 2015, peskiza demografia no saude Timor Leste 2016 no mos inklui dadus Administrativus husi Ministeriu relevantes” haktuir Reprezentante Vice-Ministra Finansas.

Ministeriu Finansas nia papel boot mak kontinua promove politika públika bazeia ba evedensia, nu’udar responsabilidade ministeriu nian atu divulga informasaun husi relatoriu ne’e ba entidades tomak inklui setor publiku, setor privadu no parseiru dezenvolvimentu atu utiliza informasaun husi relatoriu hodi halo pratika, estratejia no programa nebe diak ba dezenvolvimentu labarik iha Timor Leste.

Durante ne’e UNICEF hare liu labarik iha area suade, edukasaun, saniamentu no protesaun ba labarik ne’ebe importante liu mak dadus. Tanba kuandu halo planu ne’ebe diak tenke hatene situasaun no kondisaun.

“Tanba ne’e ami servisu hamutuk ho MInisteriu Finansas liu hosi Diresaun Jeral Estatistika atu publika relatoriu Rua ne’e atu nune’e sai figura bo’ot ba situasaun labarik nian iha Timor Leste” katak Reprezentante UNICEF, Valerie Tatou wrap