• DG ELIAS : TREINAMENTU NÚDAR XAVE BÁ SUSESU NO KUALIDADE SENSU

Home » Announcements» DG ELIAS : TREINAMENTU NÚDAR XAVE BÁ SUSESU NO KUALIDADE SENSU Print Page

DG ELIAS : TREINAMENTU NÚDAR XAVE BÁ SUSESU NO KUALIDADE SENSU

DSC_9236

Dili (16/07), Iha ámbitu preparasaun bá realizasuan sensu tinan 2022 nian, Diresaun Jerál Estatístika realiza tersa-feira ne’e treinamentu bá kandidatu treinadór/a sira, núdar maneira kapasitasaun nian ne’ebé presija hetan molok hahú formasaun bá enumeradores no supervizór/a sira.
Diretór Jerál Estatístika, Elias dos Santos Ferreira, iha okaziaun abertura bá treinamentu nian infoma katak treinamentu refere núdar meiu bá partilla informasaun no konhesimentu, fahe ideia bá malu no experiénsia hirak ne’ebé iha,
“Master Training sira iha experiénsia uluk sira halo serbisu pilotu, oinsá halo perguntas no oinsá halo textu, hasoru mós obstákulu oi-oin ne’ebé iha baze. Rezultadu ne’ebé hasoru iha kampo ka terenu, sira hatene ona. Maibé la’os sira hatene liu ona, husi sira-nia hatene ne’e bele fahe bá malu, ida ne’ebé hare’e tiha ona bele fó tutan fali bá ida ne’ebé seidauk hare’e. La’os ita atu hanorin malu maibé ita atu fó hanoin bá malu hodi mellora serbisu bá oin” Tenik Elias, bá partisipante sira treinamentu nian iha Salão IOB, Fomento II.

Diretór Elias, ne’ebé núdar mós prezidente komisaun teknika bá sensu tinan ida ne’e nian salienta liután katak, treinamentu ne’ebé hala’o bá treinadór/a sira núdar xave bá susesu no kualidade husi rezultadu sensu nian, tan ne’e presija hala’o aproveitamentu ida diak, “Treinamentu bá Master Training nian remata tiha ona iha loron 12 fulan Agostu. Treinamentu ne’ebé ita hahu ohin núdar preparasaun bá treinadór/a sira, ne’ebé sei fó hikas treinamentu bá pesoal enumeradores no supervizór sira” haktuir Direitór Elias.

Iha fatin hanesan, reprezentante UNFPA nian realsa katak, importante bá partisipante sira atu rona no kompriende didiak oinsa halo perguntas no uza tablet, “Tinan-tinan kolesaun dadus ne’e uza manuál, maibé tinan ne’e ita utiliza dijital ka tablet, núdar prosesu foun hodi asegura kualidade, kolesaun dadus ne’e sei la haluha uma ida tanba uza monitór ka GPS, importante tebes fó treinamentu bá enumeradór sira tenki komprende oinsá halo pergunta sira no uza tablet” Partisipante sira iha treinamentu refere, kompostu husi koordenadór postu administrativu sira, funsionáriu DGE ninian no reprezentante linha ministeriais sira. Ne’ebé maka sei fó hikas treinamentu bá pesoal supervizór/a hamutuk nain 623 no enumeradores hamutuk nain 2345 iha loron 26 fulan Agostu to’o loron 2 fulan Setembru 2022.