• Eis titulár dahuluk ne’ebé hetan entrevista husi enumeradór sira

Home » Announcements» Eis titulár dahuluk ne’ebé hetan entrevista husi enumeradór sira Print Page

Eis titulár dahuluk ne’ebé hetan entrevista husi enumeradór sira

DSC_0028

Díli (12/09), Eis Prezidente Repúblika Dr. Francisco Guterres Lú-Olo, segunda-feira ne’e simu ekipa entrevistadór sira, ne’ebé kompostu husi enumeradór no supervizór iha ninia rezidénsia ofisiál Farol, suku Motael.
Iha dada-lia ne’ebé hala’o ho pesoál enumeradór sensus suku Motael nian, Lú-Olo relata ba ekipa sensu nian informasaun sira ne’ebé relasiona ho totál membru uma-kain, nível edukasaun, bee no saneamentu inklui kondisaun uma.

Atuál prezidente partidu Fretilin ne’e mós atende ho didiak no hatán ho lolós bá pergunta hotu ne’ebé hato’o husi entrevistadór sira bazeia bá padraun ne’ebé aplika iha sensu populasaun no uma-kain 2022 nian. Ho kontribuisaun dadus ne’ebé maka hala’’o ona, Dr. Francisco Guterres Lú-Olo maka nu’udar eis titulár dahuluk ne’ebé partisipa resensiamentu ka hetan entrevista husi enumeradór sira. Enkuantu líder órgaun soberanu atuál ne’ebé maka hetan sura ka resensea ona iha sensu tinan ida ne’e maka Dr. Aniceto Longuinhos Guterres Lopes, Prezidente Parlamentu Nasionál ne’e hetan vizita husi pesoál enumeradór/a sensus nian iha loron horseik (11/09).

Iha okaziaun atividade refere, Ministru Finansas Rui Augusto Gomes informa katak objetivu sensu nian hala’o atu hetan informasaun kona-bá karaterístika sosiál, ekonómiku no demográfiku.
“Sei rekolla informasaun kona-bá aspeitu sira hanesan maioria populasaun jovens ka idozu, feto no mane hira, nível edukasaun, saúde, empregu, bee no saneamentu inklui kondisaun uma ka hela fatin” haktuir ministru Rui, ne’ebé nu’udar mós Vise Prezidente Komisaun Nasionál Sensu Populasuan no uma-kain 2022.

Informasaun hotu ne’ebé rekolla iha sensu sei ajuda governu no parte interessada sira hodi halo planeamentu no dezeña polítika ne’ebé justu bá ema hotu no bá dezenvolvimentu nasionál Timor-Leste nian. Prosesu rekolla informasaun ne’e hala’o tiha ona iha loron 4 fulan setembru no tuir planu sei remata iha loron 5 fulan outubro, iha períodu ne’e nia laran enumeradór/a sira sei halo vizita bá uma-kain hotu-hotu iha teritóriu nasionál hodi rekolla dadus.