• Indíse Presu Konsumidor fulan Junho 2022

Home » Announcements» Indíse Presu Konsumidor fulan Junho 2022 Print Page

Indíse Presu Konsumidor fulan Junho 2022

DSC_7654

Díli 19 de Jullo 2022, Diresaun Geral Estatística Timor-Leste, Liu husi Diretor Geral Sr. Elias dos Santos Ferreira, hato’o relatório kona-bá Indíse Presu Konsumidor fulan Junho 2022 iha Salaun Conferencia REHA, DGE, Cai-coli, Díli, Timor-Leste.

Iha encontro nia laran Apresentadora apresenta mós kona-bá mudansa persentajen Índise Presu Konsumidor (IPK) Grupu hotu mensal sa’e (+0.6%) ba fulan-Junho, 2022, Kompara ba fulan Maio, 2022 sa’e mós (+1.3%). Mudansa presu grupu hotu (+0.6%) tanbá hetan kontribuisaun husi grupu Hahan no bebidas laos alkoholika (+0.7%), Alkohol no Tabako (+2.2%), Transporte (+1.0%), no Hatais no Sapatu (+0.1%). Ekipamentu no Manutensaun Mobilariu Uma Laran (-0.4%) sai hanesan mudansa kontrariu ba inflasaun grupu hotu. Grupu Hahan no bebidas laos Alkoholika (+0.7%) tamba hetan kontribuisaun husi sub grupu Mina no Bokur (+6.0%), Foos (+1.2%), Masin Midar, Marmelada, Banibeen, Cokolat no Hahan midar (+1.2%), Ikan no Hahan Tasi (+0.6%), no Naan (+0.1%). Susubeen, Keju no Mantolun (-4.9%), no Modo Tahan (-0.3%) sai hanesan mudansa kontrariu ba inflasaun grupu hahan no bebidas laos alkoholika.

Mudansa persentajen IPK anuál sa’e (+8.0%) kompara entre fulan-junho, tinan-2022 ho fulan-junho, tinan-2021, hetan kontribuisaun husi grupu Hahan no Bebidas la’os Alkóloka (+8.6%), Transporte (+15.0), Alkohol no Tabako (+25.9%), Uma (+1.9%), Ekipamentu no Manutensaun Mobilariu Uma Laran (+3.3%), Rekreasaun no Kultura (+2.0%), Saúde (+1.0%). Edukasaun (+2.4%) no Komunikasaun (+0.1%) ba anuál junho 2022. Grupu Hatais no Sapatu (-0.4%) sai hanesan mudansa kontrariu na inflasaun grupu hotu ba anuál junho 2022.

Inflasaun Tradeable sa’e (+0.9%) no Non-Tradeable laiha mudansa (+0.0%) iha mensal.
Kompara entre fulan-junho, tinan-2022 ho fulan-maio, tinan-2022.
Inflasaun Tradeable sa’e (+10.8%) no Non-Tradeable sa’e (+1.3%) iha anuál.
Kompara entre fulan-junho, tinan-2022 ho fulan-junho, tinan-2021.