• Presidente CTC hala’o Sorumutu ho Presidente Autoridades Adminitradóres no Chefe Estatísticas Munisípius hodi Estabelece Estrutura Administrativa Responsável pela Realização do Recenseamento Geral da População e da Habitação 2022

Home » Announcements» Presidente CTC hala’o Sorumutu ho Presidente Autoridades Adminitradóres no Chefe Estatísticas Munisípius hodi Estabelece Estrutura Administrativa Responsável pela Realização do Recenseamento Geral da População e da Habitação 2022 Print Page

Presidente CTC hala’o Sorumutu ho Presidente Autoridades Adminitradóres no Chefe Estatísticas Munisípius hodi Estabelece Estrutura Administrativa Responsável pela Realização do Recenseamento Geral da População e da Habitação 2022

Grupo Photo Presidente Autoridades

Díli, 21 Junu 2022—Diretór Jerál Estatística no mós Presidente Komisaun Tékniku Sensus Populasaun no Uma-Kain Timor-Leste 2022, Sr. Elias dos Santos Ferreira hamutuk ho Vice Presidente CTC, Sr. Belarmino Filomeno Neves nia representante hodi oficialmente loké sorumutu ne’e hodi bele fahe informasaun kona-bá “Estabelece a Estrutura administrativa responsável pela realização do Recenseamento Geral da População e da Habitação 2022”. eventu ne’e hala’o iha DGE, salaun enkontru REHA ninian iha Cai-coli, Dili, Timor-Leste.

Iha biban ne’e presidente CTC, Sr. Ferreira re-informa katak, Konselho Ministros Aprova ona Lei Resolução No.23 iha fulan Março hodi estabelece Komite Tolu no grupo trabalho ida. Komite Tolu ne’e maka Komite Nasionál ne’ebé mak lidera husi Sua Excia Primeiro Ministro, Vice Prisidente maka Ministro das Finansas, membro maka Ministros sira hotu. Grupo trabalho dá ruak nian maka Grupo Komite Tékniku Sensus ne’ebé maka Lidera husi Diretór Geral Estatística Ministério das Finansas hanesan Presidente Komite Tékniku bá Sensus Populasaun no Uma-Kain 2022 no Vice Prisidente maka Diretór Geral Desentralizasaun Administrativa DG Administrasaun Estatal, Nia Membro sira maka Diretór Geral sira iha ministério hotu-hotu, Komite Terceiro maka Komite Publisidade ne’ebé nia servisu maka hala’o publisidade no advokasia hodi encoraja populasaun hodi hola parte iha kontajen sensus 2022, ne’ebe maka lídera husi Diretór Nasionál Sistema no Relatórios husi DGE, Ministério das Finansas hanesan Prisedente komite ba Publisidade.
Grupo da haat ne’e maka Grupo trabalho iha Munisípiu ne’ebé maka sei lídera husi Presidente no Administradores Munisípius ho nia membros maka Administradores Posto Administrativo, Chefe do Sucos, Komandante PNTL no Diretores Liña ministérios ne’ebé maka iha munisípius inklui mós chefes responsável Estatística munisipais sira. Grupo Trabalho ne’e maka atu organiza ita nia Programa Sensus kada Munisípiu bele halo ho sucesso, no mós lídera prosesu tomak iha relasaun ho munisípius.

Sr. Ferreira mós apresenta bá Presidente Autoridades munisípius sira katak, oras ne’e daudaun Rekursus Humano DGE nian ne’ebé hamahan aan iha Ministério da Finansas hala’o hela Rekrutamento bá Koordenadóres do Posto Administrativo, Publisidade no Advokasia, Informasaun Teknolojia ka IT sira, espera katak iha tempo badak sei finaliza, no Publisidade nian sei hala’o uluk sira nia serbisu sensitiza informasaun iha fulan Jullu ne’e.

Iha fatin hanesan Presidente CTC kontinua emphaze katak, DGE halo rekrutamentu duni ema sira hotu husi Munisípiu ida-idak atu bá hala’o Publisidade iha Kada Munisípiu. Montante Rekrutamento ne’ebé bo’ot liu maka Entrevistadores sira ne’ebé hamutuk 2345 no mós supervisor 600 no sei hala’o Rekrutamento iha kada Munisípiu. Importante maka Governo aprova ona Osan 3.1 milhões de dollares, husi montante osan 40% husi 3.1 milhões ne’e ita sei selu de’it bá staff sira ne’ebé rekrutadu ba hala’o resensiamentu ka halo enumerasaun iha Sucos, Catring no bá fatin sira ne’ebe aluga.

Husi ekipa Tékniku sei apresenta mós Sensus nia lala’ok kona-bá bainhira maka sei hahu, komesa husi ne’ebé, precisa ema ho aparelu tableta/CAPI hira, treinamento oinsa, maibé treinamento bá Entrevistadores sei hala’o hotu iha Munisípiu. Iha nee hakarak informa mos katak, ita la uza ona kestionariu iha formatu surat tahan, maibe ita utiliza ona aparellu modernu maka hanesan tableta ka android hodi halao intervista, no nia rezultadu lais tebes ba ita atu hetan iha tempu badak nia laran, aumenta husi Sr. Ferreira.

Iha asuntu balun ne’ebé maka importante tebe-tebes hodi nune’e halo Presidente Autoridade RAEOA ho nia representante sira la marka presença iha sorumutu ne’ebé maka agendadu tiha iha loron 21 Junu 2022. Iha biabn nee Presidente RAEOA nia representante sira informa no marka fali enkontru hamutuk ho Presidente Komisaun Tékniku Sensus Populasaun no Uma-kain Timor-Leste iha fali iha loron 22 Junu 2022. Iha enkontru ka sorumutu ne’e Secretariado Regional para Administrasaun RAEOA, Sr. Martinho Abani Elo hamutuk ho Secretariado Regional para as Finansas RAEOA, Sra. Elsia Maria Maniquin ho mós Chefi responsável Estatística RAEOA, Sra. Florinda Bobo konsege mai hasoru malu ho Presidente Komisaun Tékniku Sensus Populasaun no Uma-kain Timor-Leste 2022. Iha sorumutu referre Presidente CTC, Sr. Elias dos Santos Ferreira hamutuk ho Gestores DGE nian aprezenta informasaun detaillus bá responsabilidade ne’ebé maka relasiona ho serbisu kona-bá Sensus Populasaun no Uma-kain nian ne’ebé sei assumi husi Presidente Autoridade RAEOA no estrutura tomak basea ba resolução do Governu No. 14/2022, ne’ebé menciona iha titlu notisia.**