• Prezidente Komite Tékniku Sensus Populasaun no Uma-Kain 2022, Timor-Leste Konvoka Inisiu Enkontru ho Membros Census Technical Committee.

Home » Announcements» Prezidente Komite Tékniku Sensus Populasaun no Uma-Kain 2022, Timor-Leste Konvoka Inisiu Enkontru ho Membros Census Technical Committee. Print Page

Prezidente Komite Tékniku Sensus Populasaun no Uma-Kain 2022, Timor-Leste Konvoka Inisiu Enkontru ho Membros Census Technical Committee.

DSC_6578

Dili, 07 Junu 2022 (DGE) — Directór-Jerál Estatística, Sr. Elias dos Santos Ferreira no mós hanesan Presidente bá Komite Tékniku Sensus Populasaun no Uma-kain 2022, hodi seik ofisialmente konvoka primiera enkontru kona-bá CTC (Comité Tékniku Census) ne’ebé kompostu husi Lina Ministério relevante, representante religioso iha Timor-Leste, ONGs, Parseiros Dezenvolvimento no media sira hotu. Iha enkontru nee Presidente CTC informa ba membros CTC katak, Sensus Populasaun no Uma-kain Timor-Leste ba dala-haat nian sei implementa iha loron 04/05 fulan Setembru to’o loron 05 fulan Outubru 2022, Resensiamentu ka enumerasaun ne’e nia durasaun fulan ida. Sorumutu ne’e hala’o iha DGE-REHA Conference Room Caicoli, Dili, Timor-Leste.

Iha Sorumutu ne’e Direitór Nasionál Sistema e Relatóriu no mós hanesan Coordenadór Jerál bá Sensus Populasaun no Uma-Kain Timor-Leste 2022, Sr. Silvino Lopes apresenta planu estratejiku kona-bá preparasaun Sensus Populasaun no Uma-kain 2022 hahu husi tinan 2019-2022. Iha biban ne’e Sr. Lopes sublina katak, Programa Sensus Populasaun no Uma-Kain ne’e hanesan programa mundial nian.
Sr. Lopes sublina katak, objetivu Sensus nian maka, Disponibilidade estatística desagregadu, Statistika ne’ebé realidade (reliable) no tuir tempo, essencial atu hodi:
1) Implementa no monitorizasaun ba Objetivu Dezenvolvimentu Stratejiku nian (ODS),
2) Revizaun objetivu curto prazu husi plano estratégia ba desenvolvimento nasional (national Strategic Development Plan) 2011-2030 no mós
3) Informa kualker resposta relasiona ho prinsipiu “leaving no one behind”.
Iha mós objetivu estratégia sensus 2022 maka hanesan:
a) Fornese situasaun populasaun iha nasaun ho karakteristika socio-ekonomia hodi halo plano no halo desisaun,
b) Produs tabela estatística, mapa no relatóriu tématiku kona-bá topiku ne’ebé importante teb-tebes bá desenvolvimento nasaun nian,
c) hodi halo estimasaun bá área kikoan (small área) tuir indikadór principal, ne’ebé disponível deit iha survey no ikus liu maka
d) Hasa’e kapasidade tékniku no operacional husi Diresaun Jerál Estatístika (DJE) no instituisaun principal governu nian ne’ebé planeia no ezekuta sensus populasaun.

Iha fatin hanesan Sr. Lopes mós lori membros CTC atu hatene didiak etapa sira husi sensus nee rasik:
1). Etapa primeiru maka Pre-Enumerasaun (Sensus mapamentu ka demarkasaun EA área enumerasaun, Dezenu kestionariu, Pilotu Sensus, recrutamento ba staff sensus nian, treinamentu ba staff sensus nian no mos Publisidade no Advokasia).
2) Etapa segundu maka Enumerasaun ka Resensiamentu (loron koleksaun dadus ka loron sensus sei hahú iha loron 4 fulan Setembru to’o fali loron 5 fulan Outubru 2022.
3) Etapa tolu maka Post Enumerasaun (Rezultadu sensus preliminaria iha Nov 2022, Survey Post Enumerasaun Nov 2022, Editasaun Outubru – Janeiru 2023, Tabulasaun Janeiru-Marsu 2023, Relatoriu Prinsipál sensus nian Abril 2023 no Analiza Tematiku Junu 2023-Fevereiru 2024).
Publisidade no Advokasia ne’ebé lidera husi Sr. Lopes prepara tiha ona material sira hanesan IEC (Informasaun, Edukasaun no Comunikasaun) hodi sensitiza informasaun Sensus Populasaun no Uma-Kain bá sidadaun hotu iha Timor-Leste laran tomak liu husi canais oi-oin ne’ebé oras nee mundo global hasoru: TV, Radio, Jornal, media social, website no sst.

Sensus Populasaun no Uma-kain Timor-Leste, 2022 iha Tinan ida ne’e sei utiliza Computer-Assisted Personal Interviews (CAPI) ka android hodi halo intervista ka hodi haré mapas área enumerasaun nebe lais liu ba populasaun no uma-kain iha nebe nia prosesa halo intervista no haruka dadus ba server lais no rapidu lós, Sensus Populasaun no Uma-kain uluk sei utiliza surat tahan hodi halo intervista no kustus ba operasaun boot tebes.
UNFPA maka hanesan Agensia Nasoens Unidas nian ne’ebé maka permanente fornese asistensia tekniku bá Projetu Sensus Populasaun no Uma-kain Timor-Leste nian. Haktuir husi Presidente Komite Tékniku Sensus, Sr. Elias dos Santos Ferreira.
Iha biban ne’e Projetu Sensus sei hasoru hela obstaklu boot maka hanesan menus hela ekipamentus tableta ka CAPI hamutuk 700 unidades, iha ne’ebé equipamentos sira ne’e sei aloka tuir enumeradores ne’ebé sei rekruta.