• DGE fó sai relatoriu Índise Presu Konsumedór ba fulan April 2022

Home » Announcements» DGE fó sai relatoriu Índise Presu Konsumedór ba fulan April 2022 Imprime pájina

DGE fó sai relatoriu Índise Presu Konsumedór ba fulan April 2022

DSC_6310

Díli, 17 Maiu 2022, Diretór Jerál Estatística Timor-Leste, Sr. Elias dos Santos Ferreira fó sai relatoriu Índise Presu Konsumedór (IPK) bá fulan April, tinan 2022, eventu ne’e hala’o iha DGE, salaun enkontru REHA ninian iha Cai-coli, Dili, Timor-Leste.
Durante sorumutu ne’e apresentadora husi IPK ne’e relata katak, mudansa persentajen Índise Presu Konsumedór (IPK) Grupu Hotu mensál sa’e (+1.2%) ba fulan-Abril, 2022, kompara ba fulan-Março, 2022 sa’e mós (+0.9%). Mudansa presu grupu hotu (+1.2%) tanbá hetan kontribuisaun husi grupu Hahan no bebidas laos alkoholika (+1.2%), Transporte (+5.2%), Alkohol no Tabako (+2.9%). Hatais no Sepatu (-0.5%) no Ekipamentus no manutensaun mobilario uma laran (-0.3%) sai hanesan mudansa kontrariu ba inflasaun grupu hotu. Grupu Hahan no Bebidas Laos Alkoholika (+1.2%) tamba hetan kontribuisaun husi sub grupu Mina no Bokur (+8.2%), Foos (+2.7%), Susubeen, Keiju no Manutolun (+2.0%), no Naan (+0.5%). Modo Tahan (-0.2%), Aifuan (-1.3%), no Masin Midar, Marmelada, Banibeen, Cokolat no Hahan Midar (-0.3%) sai hanesan mudansa kontrariu ba inflasaun grupu hahan no bebidas laos alkoholika.

Mudansa persentajen IPK anuál sa’e (+6.6%) kompara entre fulan-abril, tinan-2022 ho fulan-abril, tinan-2021, hetan kontribuisaun husi grupo Hahán no Bebidas la’ós Alkólika (+7.3%), Transporte (+12.8%), Alkohol no Tabako (+21.7%), Uma (+1.0%), Ekipamentu no Manutensaun Mobilariu Uma Laran (+1.4%), Rekreasaun no Kultura (+2.0%), Saude (+1.0%), no Edukasaun (+2.4%) ba anuál Abril 2022. Grupu Hatais no Sepatu (-0.5%) sai hanesan mudansa kontrariu ba inflasaun grupu hotu ba anual abril 2022.

Inflasaun Tradeable sa’e (+1.7%) no Non-Tradeable tun (-0.1%) iha mensál. kompara entre fulan-abril, tinan-2022 ho fulan-março, tinan-2022.
Inflasaun Tradeable sa’e (+8.9%) no Non-Tradeable sa’e (+1.3%) iha anuál. kompara entre fulan-abril, tinan-2022 ho fulan-abril, tinan-2021.