• DGE fó sai relatoriu Índise Presu Konsumedór ba fulan Janeiru 2022

Home » Announcements» DGE fó sai relatoriu Índise Presu Konsumedór ba fulan Janeiru 2022 Imprime pájina

DGE fó sai relatoriu Índise Presu Konsumedór ba fulan Janeiru 2022

Photo CPI Janeiro 2022

Dili 22 fulan Janeiru 2022, Sr. Elias dos Santos Ferreira, nu’udar Direitor Jerál, Diresaun Jerál Estatística de Timor-Leste fó sai rezultado Índise Presu Konsumedór ba fulan Janeiru 2022 nian no eventu referre hala’o iha salaun Konferensia REHA Diresaun Jerál Estatística nian.

Durante sorumutu ne’e apresentadora husi IPK ne’e relata katak, mudansa persentajen Índise Presu Konsumedór (IPK) Grupu Hotu mensál sa’e (+1.1%) ba fulan-Janeiro, 2022, kompara ba fulan-Dezembro, 2021 sa’e mós (+0.5%). Mudansa presu grupu hotu (+1.1%) tanbá hetan kontribuisaun husi grupu Alkohol no Tabaku (+10.6%), Hahan no bebidas laos alkolika (+0.4%), Edukasaun (+3.8%), Ekipamentu no Manutensaun Mobilariu Uma Laran (+0.6%), Rekreasaun no Kultura (+0.4%), Saúde (+0.3%), Transporte (+0.1%), no Hatais no Sepatu (+0.1%). Uma (-0.8%) sai hanesan mudansa kontrariu ba inflasaun grupu hotu. Grupu Hahan no Bebidas Laos Alkoholika (+0.4%) tamba hetan kontribuisaun husi sub grupu Foos (+0.8%), Naan (+1.2%), Mina no Bokur (+0.9%), Susuben, Keiju no Manutolun (+0.8%), Ikan no Hahan Tasi (+0.4%) no Paun no Sereal (+0.4%). Modo Tahan (-0.3%) sai hanesan mudansa kontrariu ba inflasaun grupu Hahán no Bebidas La’ós Alkólika.
Mudansa persentajen IPK anuál sa’e (+5.4%) kompara entre fulan-janeiro, tinan-2022 ho fulan-janeiro, tinan-2021, hetan kontribuisaun husi grupo Hahán no Bebidas la’ós Alkólika (+6.4%), Alkohol no Tabaku (+16.3%), Transporte (+5.4%), Uma (+0.5%), Ekipamentu no Manutensaun Mobilariu Uma Laran (+2.5%), Rekreasaun no Kultura (+1.6%), Saude (+1.0%), Hatais no Sepatu (+3.4%), no Edukasaun (+3.8%) ba anuál janeiro 2022.

Inflasaun Tradeable sa’e (+1.5%) no non-Tradeable sa’e (+0.1%) iha mensál
kompara entre fulan-janeiro, tinan-2022 ho fulan-dezembro, tinan-2021.

Inflasaun Tradeable sa’e (+6.5%) no non-Tradeable sa’e (+2.6%) iha anuál
kompara entre fulan-janeiro, tinan-2022 ho fulan-janeiro, tinan-2021.