STATISTICS TIMOR-LESTE

Home » Announcements» DGE fó sai relatóriu Índise Presu Konsumedór ba fulan Março 2022 Imprime pájina

DGE fó sai relatóriu Índise Presu Konsumedór ba fulan Março 2022

Díli, 21 Março 2022, Director Jerál de Estatística Timor-Leste, Sr. Elias dos Santos Ferreira ohin fó sai relatóriu kona-bá Índise Presu Konsumedór (IPK) ba fulan Março 2022, eventu referre halaó iha gabinete DGE, Salão Conferensia REHA, Cai-coli, Dili, Timor-Leste.

Mudansa persentajen Índise Presu Konsumedór (IPK) Grupu Hotu mensál sa’e (+0.9%) ba fulan-Março, 2022, kompara ba fulan-Fevereiro, 2022 sa’e mós (+0.6%). Mudansa presu grupu hotu (+0.9%) tanbá hetan kontribuisaun husi Hahan no bebidas laos alkoholika (+1.2%), Alkohol no Tabaku (+1.3%), Transporte (+0.8%), Uma (+0.5%), Ekipamentu no Manutensaun Mobilariu Uma Laran (+1.4%) no Rekreasaun no Kultura (+0.5%). Grupu Hahan no Bebidas Laos Alkoholika (+1.2%) tamba hetan kontribuisaun husi sub grupu Modo Tahan (+0.2%), Mina no Bokur (+0.3%), Foos (+0.8%), Produtu Ai-han (+3.6%), Kafe, Xa no Kokoa (+3.6%), Ikan no Hahan Tasi (+1.6%), no Susuben, Keiju no Manutolun (+1.4%).
Mudansa persentajen IPK anuál sa’e (+6.0%) kompara entre fulan-Março, tinan-2022 ho fulan-Março, tinan-2021, hetan kontribuisaun husi grupo Hahán no Bebidas la’ós Alkólika (+7.0%), Alkohol no Tabaku (+18.4%), Transporte (+8.0%), Uma (+1.0%), Ekipamentu no Manutensaun Mobilariu Uma Laran (+1.7%), Rekreasaun no Kultura (+2.0%), Saude (+1.0%), Hatais no Sepatu (+0.1%), no Edukasaun (+2.4%) ba anuál Março 2022.

Inflasaun Tradeable sa’e (+1.2%) no Non-Tradeable sa’e (+0.3%) iha mensál
kompara entre fulan-Março, tinan-2022 ho fulan-Fevereiro, tinan-2022.

Inflasaun Tradeable sa’e (+7.7%) no Non-Tradeable sa’e (+2.1%) iha anuál
kompara entre fulan-Março, tinan-2022 ho fulan- Março, tinan-2021.

Iha lansamentu neé atende husi reprezentante Banku Central Timor-Leste, MTCI, AIFAESA, Linas Ministerio sira relevante, funcionários DGE no mos Média.