• Percentage Change in Consumer Price Index for August 2020

Home » Announcements» Percentage Change in Consumer Price Index for August 2020 Imprime pájina

Percentage Change in Consumer Price Index for August 2020

Pics 1a

Díli, 23 Setembro 2020, Directór Jeral Estatística, Timor-Leste, Sr. Elias dos Santos Ferreira ohin lansa relatoriu kona-bá Indise Presu Konsumedor ba fulan Agosto 2020. Iha lansamentu ne’e hetan atendimentu husi representante Banku Central Timor-Leste, delegasaun husi Program aba Ai-han Mundial (WFP), Media, Estudante husi Universitarios hanesan UNDIL, UNTL no UNITAL no mós Diretores Nasionál husi DGE nune’e mós representantes husi lina ministerios relevante sira. Eventu ne’e hala’o iha Salaun Diresaun Geral de Estatística REHA, Kai-koli, Díli.

Mudansa persentajen IPK Grupo Hotu mensal tun (-0.1%) ba fulan Agosto 2020, kompara ba fulan Jullu 2020 sa’e (+0.1%). Mudansa presu grupo hotu (-0.1%) tamba hetan kontribuisaun husi grupo Hahan no Bebidas La’os Alkoholika (-0.1%), Ekipamentu no Manutensaun Mobilariu Uma Laran (-0.3%), Hatais no Sepatu (-0.3%) no Transporte (-0.2%). Hahan no Bebidas La’os Alkoholika tun tamba hetan impaktu maioria husi sub-grupo Modo Tahan (-1.2%), Susuben, Keju no Manutolun (-0.6%), no Kafe, Xa, no Kokoa (-0.4%). Fos (+0.3%), Mina no Bokur (+0.7%), no Ikan no Hahan Tasi (+0.6%) sai hanesan mudansa kontrariu ba inflasaun grupu Hahan no Bebidas La’os Alkoholika.

Mudansa persentajen IPK anual sa’e (+0.6%) kompara fulan Agosto 2020 – Agosto 2019, hetan kontribuisaun husi grupo Hahan no Bebidas laos Alkoholika (+1.3%), Edukasaun (+2.6%), Hatais no Sepatu (+1.1%). Alkohol no Tabako (-0.2%), Transporte (-1.8%), Ekipamentu no Manutensaun Mobilariu Uma Laran (-0.4%), Uma (-0.9%) no Komunikasaun (-0.4%) sai hanesan mudansa kontrariu ba anual Agosto 2020.

Inflasaun Tradable tun (-0.1%) no Non-Tradeable laiha mudansa (0.0%) iha mensal kompara fulan Agosto 2020 – Jullu 2020.
Inflasaun Tradable sa’e (+0.7%) no Non-Tradeable sa’e (+0.5%) iha anual kompara fulan Agosto 2020 – Agosto 2019.