• MUDANSA PERSENTAJEN ÍNDISE PRESU KONSUMEDÓR FULAN-SETEMBRU, 2021

Home » Announcements» MUDANSA PERSENTAJEN ÍNDISE PRESU KONSUMEDÓR FULAN-SETEMBRU, 2021 Imprime pájina

MUDANSA PERSENTAJEN ÍNDISE PRESU KONSUMEDÓR FULAN-SETEMBRU, 2021

pic 01

Díli, 21 Outubru 2021, Diretor Jerál Estatística Timor-Leste, Sr. Elias dos Santos Ferreira iha lokoraik publika sai relatoriu ida konaba Índise Presu Konsumedór ka IPK ba fulan Setembru 2021. Eventu ne’e hala’o iha Gabineti Diresaun Jerál de Estatística REHA Salaun de Conferensia, Kaikoli Dili.
Mudansa persentajen Índise Presu Konsumedór (IPK) Grupu Hotu mensál sa’e (+0.1%) ba fulan-setembru, 2021, kompara ba fulan-agostu, 2021 sa’e mós (+0.2%). Mudansa presu grupu hotu (+0.1%) tanbá hetan kontribuisaun husi grupu Hahán no Bebidas la’ós Alkólika (+0.1%), Transporte (+0.5%), Ekipamentu no Manutensaun Mobiláriu Uma-Laran (+0.1%) no Hatais no Sepatu (+0.1%). Hahán no Bebidas La’ós Alkólika sa’e tanbá hetan impaktu maioria husi sub-grupu Mina no Bokur (+1.9%), Susubeen, Keiju no Manu-tolun (+2.8%), Modo Tahan (+0.3%), Ai-fuan (+2.1%) no Naan (+0.1%). Foos (-1.0%), Masin-midar, Marmelada, Bani-been, Cokolat, no Hahan-midar (-0.5%) no Produtu Ai-han n.e.c (-0.2%) sai hanesan mudansa kontrariu ba inflasaun grupu Hahán no Bebidas La’ós Alkólika.

Mudansa persentajen IPK anuál sa’e (+4.1%) kompara entre fulan-setembru, tinan-2021 ho fulan-setembru, tinan-2020, hetan kontribuisaun husi grupo Hahán no Bebidas la’ós Alkólika (+6.4%), Alkohol no Tabaku (+7.2%), no Transporte (+4.6%). Ekipamentu no Manutensaun Mobiliáriu Uma-Laran (-0.3%), Uma (-0.5%), Komunikasaun (-0.1%) no Rekreasaun no Kultura (-0.5%) sai hanesan mudansa kontrariu ba anuál setembru 2021.

Inflasaun Tradeable tun (-0.1%) no Non-Tradeable sa’e (+0.4%) iha mensál
kompara entre fulan-setembru, tinan-2021 ho fulan-agostu, tinan-2021.

Inflasaun Tradeable sa’e (+4.9%) no Non-Tradeable sa’e (+2.4%) iha anuál
kompara entre fulan-setembru, tinan-2021 ho fulan-setembru, tinan-2020.

Partisipante ne’ebe attende iha lansamentu CPI nee mak mai husi lina ministeriais sira, BCTL, Universitarios, ONG sira, Media no mós funsionarios sira husi DGE nian rasik.