• Mudansa Persentajen husi Índise Presu Konsumedores no Índise Presu Produsaun iha Timor-Leste

Home » Announcements» Mudansa Persentajen husi Índise Presu Konsumedores no Índise Presu Produsaun iha Timor-Leste Imprime pájina

Mudansa Persentajen husi Índise Presu Konsumedores no Índise Presu Produsaun iha Timor-Leste

DSC_7191

Díli, 21 Janeiro 2020, Diretor Jerál Estatístika, Sr. Elias dos Santos Ferreira horiseik fó sai publikasaun rua mak hanesan; Índise Presu Konsumedores (IPK) ba fulan Dezembro 2019 no Índise Presu Produsaun (IPP) nian ba Quatelan 4, 2019. Lansamento ne’e attende husi Dekanu Universidade Dili, Representante Banco Centrál Timor-Leste, ONG Luta Hamutuk no ONG Lao Hamutuk, Média, Universitario sira no Diretores Nasionál sira dentro Ministério Finanças no linha Ministério sira. Eventu referre hala’o iha Gabinete Diresaun Jerál Estatístika Timor-Leste, Aula REHA Conference, Caicoli, Díli.

Iha Lansamentu ba publikasaun rua ne’e Diretor Jerál Estatístika Timor-Leste, Sr. Elias dos Santos Ferreira informa ba audiensia sira katak, iha Statistika ka DGE, iha mós fornesimentu availabel ba dadus excel ba sira ne’ebé hakarak ba analiza klean liu-tan hodi hakarak halo komparasaun rezultadu publikasaun IPK no IPP fulan kontu no mós quartelan kotuk nian. Ami mós prontu atu fó assistensia nu’u kazu persiza tulun kona-bá asuntu refere. Diak, hau hakarak lori ita bo’ot sira atu ita ba haree hamutuk ba rezultadu ne’ebé temi tiha ona iha leten ne’e mak hanesan tuir mai;

Mudansa persentajen IPK Grupo Hotu mensal sa’e (+0.1%) ba fulan Dezembro 2019, kompara ba fulan Novembro 2019 tun (-0.1%). Mudansa presu grupo hotu (+0.1%) tamba hetan kontribuisaun husi grupo Hahan no Bebidas La’os Alkoholika (+0.1%), Transporte (+0.3%), no Hatais no Sepatu (+0.1%). Grupu Alkohol no Tabako (-0.2%) sai hanesan mudansa kontrariu ba inflasaun grupu hotu. Hahan no Bebidas La’os Alkoholika sa’e hetan impaktu maioria husi sub-grupo Susuben, Keju no Manutolun (+1.1%), Mina no Bokur (+0.7%), Modo Tahan (+0.2%), Na’an (+0.1%), no Aifuan (+0.7%). Fos (-0.3%) no Masin Midar, Marmelada, Baniben, Cokolat no Hahan Midar (-0.2%) sai hanesan mudansa kontrariu ba grupo Hahan no Bebidas laos Alkoholika. Presu Fos tun iha fulan ida ne’e tamba afeta husi presu Fos Importasaun ne’ebe hatudu iha presu Fos Mundial tun 1% iha trimestral ikus fulan Dezembro 2019.

Mudansa persentajen IPK anual sa’e (+0.3%) kompara fulan Dezembro 2019 – Dezembro 2018, hetan kontribuisaun husi grupo Hahan no Bebidas laos Alkoholika (+0.2%), Alkohol no Tabaku (+0.8%), Edukasaun (+9.0%), Rekreasaun no Kultura (+0.3%), Transporte (+0.1%) no Hatais no Sepatu (+0.1%). Ekipamentu no Manutensaun Mobilario Uma Laran (-0.7%), Uma (-0.2%) no Komunikasaun (-1.1%) sai hanesan mudansa kontrariu ba anual Dezembro 2019.

Inflasaun Tradable sa’e (+0.1%) no Non-Tradeable tun (-0.1%) iha mensal kompara fulan Dezembro 2019 – Novembro 2019
Inflasaun Tradable tun (-0.1%) no Non-Tradeable sa’e (+1.1%) iha anual kompara fulan Dezembro 2019 – Dezembro 2018

Iha momentu hanesan ami mós aprezenta publikasaun kona-bá Índise Presu Produsaun (IPP) iha tuir mai ne’e ba ita bo’ot sira kunesimentu klean liu tan.

Mudansa persentajen IPP Industria Manufaktura ba total produsaun produtu sa’e (0.9%) ba trimestral quartu 2019, kompara ho trimestral terseiru 2019. Ne’ebe afeta bo’ot husi produsaun produtu kafe sa’e ba (3.3%) no produsaun produtu seluk (batako no printing) no Produsaun produtu serveja laiha mundasa.

Mudansa persentajen IPP ba Industria Akomodasaun ho total sa’e (1.8%) ba trimestral quartu 2019, kompara ho trimestral terseiru 2019. Ne’ebe afeta bo’ot husi akomodasaun ne’ebe aluga husi negosio(business) sa’e ba (9.0%) no aluga husi uma kain(households) sa’e ba (2.3%). No aluga husi Strangeiru (Non-residents) sa’e ba (0.4%).

Relatoriu kompletu bele asesu iha: www.statistics.gov.tl