• Percentage Change of Consumer Price Index for July 2020

Home » Announcements» Percentage Change of Consumer Price Index for July 2020 Imprime pájina

Percentage Change of Consumer Price Index for July 2020

pics 01

Díli, 18 Jullu 2020, Directór Jeral Estatística, Timor-Leste, Sr. Elias dos Santos Ferreira ohin loron lansa relatoriu kona-bá Indise Presu Konsumedor ba fulan Jullu 2020. Iha lansamentu ne’e rasik hetan atendimentu husi representante Banku Central Timor-Leste, delegasaun husi Program aba Ai-han Mundial (WFP), Media, Estudante husi Universitarios hanesan UNTL no UNITAL no mós Diretores Nasional husi DGE nune’e mós representantes husi lina ministerios relevante sira. Eventu ne’e selebra iha Salaun DGE REHA, Kai-koli, Díli.
Mudansa persentajen IPK Grupo Hotu mensal sa’e (+0.1%) ba fulan Julho 2020, kompara ba fulan Junho 2020 sa’e mos (+0.1%). Mudansa presu grupo hotu (+0.1%) tamba hetan kontribuisaun husi grupo Hahan no Bebidas La’os Alkoholika (+0.4%), Uma (+0.2%) no Hatais no Sepatu (+0.1%). Grupu Ekipamentu no Manutensaun Mobilariu Uma Laran (-0.5%), Transporte (-0.3%) no Alkohol no Tabako (-0.3%) sai hanesan mudansa kontrariu ba inflasaun grupu hotu. Hahan no Bebidas La’os Alkoholika sa’e hetan impaktu maioria husi sub-grupo Fos (+1.7%), Masin Midar, Marmelada, Baniben, Cokolat no Hahan Midar (+1.8%), no Aifuan (+0.1%). Modo Tahan (-0.8%), Susuben, Keju no Manutolun (-1.0%), Mina no Bokur (-0.3%), no Na’an (-0.1%) sai hanesan mudansa kontrariu ba inflasaun grupu Hahan no Bebidas La’os Alkoholika.

Mudansa persentajen IPK anual sa’e (+0.8%) kompara fulan Julho 2020 – Julho 2019, hetan kontribuisaun husi grupo Hahan no Bebidas laos Alkoholika (+1.6%), Edukasaun (+2.6%), Hatais no Sepatu (+1.4%), no Rekreasaun no Kultura (+0.4%). Alkohol no Tabako (-0.3%), Transporte (-1.9%), Uma (-0.9%) no Komunikasaun (-0.5%) sai hanesan mudansa kontrariu ba anual Julho 2020.

Inflasaun Tradable sa’e (+0.2%) no Non-Tradeable tun (-0.1%) iha mensal kompara fulan Julho 2020 – Junho 2020.
Inflasaun Tradable sa’e (+1.0%) no Non-Tradeable sa’e (+0.5%) iha anual kompara fulan Julho 2020 – Julho 2019.