STATISTICS TIMOR-LESTE

Home » Announcements» Releasing Consumer Price Index for the month of October 2020 Imprime pájina

Releasing Consumer Price Index for the month of October 2020

Díli, 17 Novembru 2020, Directór Jerál Estatística Timor-Leste Sr. Elias dos Santos Ferreira ohin fó sai relatoriu kona-bá Indise Presu Konsumedór-IPK ba fulan Outubru 2020. Eventu referre hala’o iha Salaun REHA Konferensia, Diresaun Jerál Estatística, Caicoli.
Durante apresentasaun apresenta katak, Mudansa persentajen Indise Presu Konsumedór-IPK Grupo Hotu Mensal tun (-0.1%) ba fulan Outubru 2020, kompara ba fulan Setembru 2020 tun mós (-0.1%). Mudansa presu grupo hotu (-0.1%) tamba hetan kontribuisaun husi grupo Hahan no Bebidas La’os Alkoholika (-0.1%), Transporte (-0.6%), Alkohol no Tabako (-0.2%), Hatais no Sapatu (-0.2%), no Uma (-0.1%). Hahan no Bebidas La’os Alkoholika tun tamba hetan impaktu maioria husi sub-grupo Fos (-0.4%), Masin Midar, Marmelada, Baniben, Cokolat ho Hahan Midar (-0.6%), Ikan no Hahan Tasi (-0.1%), no Aifuan (-0.7%). Modo Tahan (+0.2%) sai hanesan mudansa kontrariu ba inflasaun grupo Hahan no Bebidas La’os Alkoholika.

Mudansa Persentajen Indise Presu Konsumedór-IPK anual sa’e (+0.6%) kompara fulan Outubru 2020 – Outubru 2019, hetan kontribuisaun husi grupo Hahan no Bebidas laos Alkoholika (+1.1%), Edukasaun (+2.6%), Hatais no Sapatu (+1.7%) no Uma (+0.7%). Transporte (-2.3%), Ekipamentu no Manutensaun Mobilariu Uma Laran (-0.4%), Alkohol no Tabako (-0.2%) no Komunikasaun (-0.7%) sai hanesan mudansa kontrariu ba anual Outubru 2020.
Inflasaun Tradable tun (-0.2%) no Non-Tradable sa’e (+0.1%) iha mensal kompara fulan Outubru 2020 – Setembru 2020.

Inflasaun Tradable sa’e (+0.5%) no Non-Tradable sa’e (+0.8%) iha anual kompara fulan Outubru 2020 – Outubru 2019.
Partesipantes iha lansamentu relatoriu Indise Presu Konsumedór ne’e husi Lina ministerios, Banco Central Timor-Leste-BCTL, Programa ba Aihan Mundial-WFP, NGOs Luta Hamutuk no Lao Hamutuk, Media no Staff sira husi Diresaun Jerál Estatística.