STATISTICS TIMOR-LESTE

Home » Announcements» Lansa Indise Presu Konsumedór ba fulan Outubru 2021 Imprime pájina

Lansa Indise Presu Konsumedór ba fulan Outubru 2021

Mudansa persentajen Índise Presu Konsumedór (IPK) Grupu Hotu mensal sa’e (+0.7%) ba fulan-Outubru, 2021, kompara ba fulan-Setembru, 2021 sa’e mós (+0.1%). Mudansa presu grupu hotu (+0.7%) tanbá hetan kontribuisaun husi grupu Hahán no Bebidas la’os Alkólika (+1.0%), Uma (+1.5%), Transporte (+0.4%), Ekipamentu no Manutensaun Mobilariu Uma-Laran (+0.5%), Rekreasaun no Kultura (+1.4%) no Saúde (+0.7%). Alkohol no Tabaku (-1.3%) no Hatais no Sapatu (-1.4%) sai hanesan mudansa kontrariu ba inflasaun grupu hotu. Hahán no Bebidas La’os Alkólika sa’e tamba hetan impaktu maioria husi sub-grupu Modo Tahan (+2.7%), Mina no Bokur (+4.8%), Na’an (+2.3%), Susu-ben, Keju no Manutolun (+2.1%) no Masin Midar, Marmelada, Baniben, Cokolat no Hahán Midar (+0.7%). Foos (-0.9%), no Paun no sereal (-1.6%) sai hanesan mudansa kontrariu ba inflasaun grupu Hahán no Bebidas La’os Alkólika.
Mudansa persentajen Índise Presu Konsumedór anuál sa’e (+4.9%) kompara entrte fulan-Outubru, tinan-2021 ho fulan outubru, tinan 2020, hetan kontribuisaun husi grupo Hahán no Bebidas La’os Alkólika (+7.5%), Alkohol no Tabaku (+6.0%), Transporte (+5.6%), Uma (+1.1%), Ekipamentu no Manutensaun Mobiliariu Uma-laran (+0.2%), Rekreasaun no Kultura (+0.9%) no Saúde (+0.7%). Hatais no Sepatu (-0.3%), no Komunikasaun (-0.1%) sai hanesan mudansa kontrariu ba anuál Outubru 2021.
Inflasaun Tradeable sa’e (+0.6%) no non-Tradeable sa’e (+1.0%) iha mensal kompara entre fulan-Outubru, tinan-2021 ho fulan Setembru, tinan-2021.
Inflasaun Tradeable sa’e (+5.7%) no non-Tradeable sa’e (+3.3%) iha anuál kompara entre fulan-Outubru, tinan-2021 ho fulan Outubru, tinan-2020.
Eventu lansamentu ne’e atende husi representate Banku Central Timor-Leste_BCTL, AIFAESA, Linha Ministerio relevante, Universitario husi UNDIL, UNPAZ, staff DGE no Media.