• Mudansa Persentajen Indise Presu Konsumedor, Timor-Leste fulan Janeiro 2020

Home » Announcements» Mudansa Persentajen Indise Presu Konsumedor, Timor-Leste fulan Janeiro 2020 Imprime pájina

Mudansa Persentajen Indise Presu Konsumedor, Timor-Leste fulan Janeiro 2020

DSC_7307

Díli, 18 Fevereiru 2020, Director Jerál Estatístika, Sr. Elias dos Santos Ferreira ohin fó sai relatóriu informasaun kona-bá Indise Presu Konsumedór ba fulan Janeiro 2020. Iha lansamento relatoriu refere atende husi Dekanu Universidade Dili (UNDIL), representante Banco Central Timor-Leste (BCTL), NGOs Luta Hamutuk no LAO hamutuk, Media, Estudantes Universitarios no Diretores Nasionais husi GDS no mós husi lina ministérios. Eventu ne’e hala’o iha salaun enkontru GDS REHA Conference Room, Caicoli, Díli.

Mudansa persentajen IPK Grupo Hotu mensal sa’e (+0.2%) ba fulan Janeiro 2020, kompara ba fulan Dezembro 2019 sa’e (+0.1%). Mudansa presu grupo hotu (+0.2%) tamba hetan kontribuisaun husi grupo Hahan no Bebidas La’os Alkoholika (+0.1%), Hatais no Sepatu (+1.6%), no Edukasaun (+2.6%). Grupu Alkohol no Tabako (-0.2%), no Transporte (-0.1%) sai hanesan mudansa kontrariu ba inflasaun grupu hotu. Hahan no Bebidas La’os Alkoholika sa’e hetan impaktu maioria husi sub-grupo Modo Tahan (+0.8%), Susuben, Keju no Manutolun (+1.6%), Masin Midar, Marmelada, Baniben, Cokolat no Hahan Midar (+0.8%), Produtu Hahan (+0.4%), no Kafe, Xa, no Kokoa (+0.3%). Fos (-0.5%), Na’an (-0.4%) no Mina no Bokur (-0.3%) sai hanesan mudansa kontrariu ba grupo Hahan no Bebidas laos Alkoholika. Presu Fos tun iha fulan ida ne’e tamba afeta husi presu Fos Importasaun ne’ebe hatudu iha presu Fos Mundial tun 8% iha trimestral ikus fulan Dezembro 2019 hodi afeta mai fulan Janeiro 2020.

Mudansa persentajen IPK anual sa’e (+0.2%) kompara fulan Janeiro 2020 – Janeiro 2019, hetan kontribuisaun husi grupo Hahan no Bebidas laos Alkoholika (+0.1%), Edukasaun (+2.6%), Hatais no Sepatu (+1.7%), Transporte (+0.3%), no Rekreasaun no Kultura (+0.1%). Ekipamentu no Manutensaun Mobilario Uma Laran (-0.7%), Alkohol no Tabako (-0.2%), Uma (-0.2%) no Komunikasaun (-1.1%) sai hanesan mudansa kontrariu ba anual Janeiro 2020.

Inflasaun Tradable sa’e (+0.2%) no Non-Tradeable sa’e (+0.1%) iha mensal kompara fulan Janeiro 2020 – Dezembro 2019
Inflasaun Tradable tun (-0.2%) no Non-Tradeable sa’e (+0.8%) iha anual kompara fulan Janeiro 2020 – Janeiro 2019

Relatóriu kompletu bele asesu liu husi website: www.statistics.gov.tl

Ramata